GALIZA: Chamamento para a Defesa da vida do Presidente Gonzalo. (Comitê de Construçom do Partido Comunista maoísta da Galiza)

 miércoles, 8 de septiembre de 2021

GALIZA: Chamamento para a Defesa da vida do Presidente Gonzalo. (Comitê de Construçom do Partido Comunista maoísta da Galiza)

                                   

O camarada Gonzalo é o presidente do Partido Comunista do Peru e leva desde 1992 como preso político do Estado Peruano e do imperialismo. Durante estes 29 anos de condena tem estado sofrindo um regime de total isolamento e de desatençom médica, devido a isto e à sua idade sofre um importante empioramento da saúde agravado pola apariçom dum cancro de pele.

 O Presidente Gonzalo, Ibrahim Kaypakkaya e Charu Mazundar som as principais figuras do Movimento Comunista Internacional depois de Marx, Engels, Lenin, Stalin e Mao. Sendo estes três revolucionários os que encarnam o nascimento do Marxismo-Leninismo-Maoismo como guia para a açom, guia para criaçom do movimento revolucionário e dos instrumentos revolucionários do proletariado. A guia para compreensom do necessidade histórica da guerra popular para acabar com o poder político das classes reacionárias, do latifúndio, da burguesia e seus aliados e do imperialismo mundial.

 Que a reaçom do Peru queira exterminar aos revolucionários nom é umha novidade. A história deste país está cheia de massacres, de crimes de estado realizados em aldeias e em bairros enteiros atacados por militares, por polícias e por paramilitares.

 A reaçom pensa que exterminando aos revolucionários podem acabar com o proletariado revolucionário e perpetuar o seu poder político. A reaçom nom sabe que a revoluçom, o socialismo e o comunismo, nom som a obra dum determinado autor, senom o resultado de toda a história da humanidade. Igual que o império escravista de Roma tivo o seu momento na história ele tamém entrou num processo de decadência, de descomposiçom e de caída, quando se transformou num atranco no desenvolvimento histórico. Umha caída de Roma que se nom se tivesse devido ás invasons do exterior teria sido devida à guerra civil interna. O capitalismo tamém chegou a umha época na que ele é o atranco na história que só o proletariado revolucionário pode superar.

 O Movimento Comunista Internacional fai um chamamento às pessoas e ás organizaçons populares para estender a campanha na defesa da saúde e da vida do Presidente Gonzalo. Exigindo a libertaçom de Gonzalo e dos demais presos políticos do Peru.

 Defender a vida do Presidente Gonzalo.

 Comitê de Construçom do Partido Comunista maoísta da Galiza.